深 圳 至 New 【 食 】

深 圳 至 New 【 食 】
話 明 係 至 new ， 除 激 新 ， 當 中 的 double meaning ， 尚 包 括 至 「 了 能 」 。
要 食 好 又 唔 想 賴 ， 即 將 深 圳 開 美 食 坊 的 蔡 瀾 、 食 家 李 純 恩 同 日 日 食 神 上 身 的 韜 韜 ， 有 心 水 地 膽 推 介 ！
想 鬆 骨 ， 金 色 陽 光 又 cheap 蘭 桂 坊 又 逼 ， 轉 場 罷 啦 ！ Macro Polo 酒 店 新 開 間 spa ， 五 星 級 享 受 大 眾 化 價 錢 ， 按 背 三 百 六 咋 ！
去 威 去 蒲 ， 你 唔 係 仲 去 緊 Richy 同 Face 嘩 ？ 梗 係 去 佳 寧 娜 廣 場 間 以 Benz 做 主 題 玻 璃 屋 酒 吧 ， 超 型 ， 新 開 張 兩 個 禮 拜 之 嘛 ！
既 然 連 全 套 老 翻 抄 人 著 衫 容 祖 兒 ， 都 叫 人 買 正 版 尊 重 知 識 產 權 ， 記 住 以 後 北 上 唔 好 買 A 貨 ， 買 正 版 啦 ！ 仲 要 係 「 箍 池 」 ， 位 於 萬 象 城 商 場 樓 高 三 層 佔 地 二 萬 平 方 呎 ， 全 亞 太 區 最 具 規 模 的 特 別 版 旗 艦 店 ， 終 於 開 ！
咁 你 仲 等 咩 呀 ？
蔡 瀾 推 介 　 內 蒙 羊 宴
蔡 生 話 齋 ︰ 羊 唔 羶 食 做 乜 ？ 當 踏 入 西 貝 筱 麵 村 ， 眼 前 有 好 幾 大 鍋 燉 炆 羊 肉 ， 羶 香 撲 鼻 ， 聞 都 聞 到 佢 鍾 意 呢 度 原 因 。 烤 到 皮 脆 肉 嫩 原 塊 羊 背 、 睇 落 清 澈 飲 落 超 鮮 甜 的 羊 湯 、 有 得 啜 骨 髓 羊 骨 架 等 等 ， 蔡 瀾 全 部 大 讚 ， 食 得 過 癮 咁 話 。
西 貝 根 本 就 係 羊 肉 專 家 ， 內 蒙 、 北 京 、 天 津 都 有 分 支 ， 深 圳 店 師 傅 個 個 來 自 內 蒙 ， 家 陣 仲 發 展 到 有 學 校 訓 練 廚 師 ， 幾 咁 厲 害 。 餐 廳 選 用 內 蒙 烏 拉 特 草 原 長 大 的 羯 羊 ， 而 且 只 揀 兩 至 三 歲 約 莫 廿 五 斤 大 細 的 ， 貪 佢 肉 夠 嫩 ， 帶 輕 輕 羶 香 。 我 不 似 蔡 生 愛 羶 ， 但 咬 那 片 香 得 要 命 嫩 滑 如 脂 的 烤 羊 架 ， 方 發 現 原 來 羊 肉 何 以 滑 溜 得 過 分 ， 明 明 飽 住 肚 都 忍 唔 住 狂 吞 幾 件 。
別 像 我 ， 迷 戀 羊 肉 精 髓 ， 幾 乎 錯 過 其 他 高 水 準 小 菜 。 這 裡 其 實 是 西 北 地 方 菜 店 ， 還 有 很 多 很 多 菜 式 選 擇 ， 例 如 新 鮮 西 北 野 菜 沙 律 ， 新 鮮 手 製 筱 麵 （ 即 燕 麥 麵 ） ， 都 是 香 港 難 尋 的 一 流 推 介 。

麵 精 ¥ 18
簡 單 的 西 北 菜 冷 盤 ， 麵 筋 、 粉 皮 和 野 菜 ， 加 、 麻 油 和 辣 椒 等 拌 製 即 成 ， 微 辣 開 胃 ， 越 基 本 越 見 真 章 。

吉 祥 烤 羊 背 ¥ 328
約 廿 五 斤 重 的 綿 羊 ， 背 部 肉 帶 少 少 脂 肪 ， 醃 三 小 時 後 ， 以 300 ℃ 高 溫 烤 製 ， 皮 香 脆 肉 嫩 滑 ， 上 桌 時 內 蒙 民 族 歌 唱 助 興 ， 其 實 好 想 佢 快 唱 完 ， 立 即 開 動 。

手 抓 羊 棒 ¥ 15/ 支
蔡 生 話 「 骨 髓 係 天 下 美 味 」 ， 以 薑 、 、 蒜 及 鹽 放 湯 清 煮 的 羊 後 小 腿 肉 ， 鮮 嫩 腍 滑 ， 原 汁 原 味 。

西 貝 羊 湯 ¥ 22
用 煮 羊 棒 的 湯 ， 加 羊 腰 、 番 茄 、 荽 芫 及 薯 仔 再 煮 ， 湯 清 得 很 ， 帶 肉 香 卻 毫 不 油 膩 。


Open kitchen 的 大 鍋 羊 肉 及 新 鮮 野 菜 即 撈 沙 律 ， 企 理 吸 引 。

西 貝 筱 麵 村
地 址 ︰ 福 田 區 八 卦 路 與 八 卦 一 路 交 界
電 話 ︰ +86- (0) 755-8243-9282
營 業 時 間 ︰ 星 期 一 至 五 10am-2pm 、 5pm-10pm ；
星 期 六 10am-2:30pm 、 4:50pm-10pm
星 期 日 10am-2:30pm 、 4:30pm-9:30pm

礦 泉 水 煨 湯
來 到 春 風 路 四 層 高 的 民 間 瓦 缸 煨 湯 館 ， 見 到 擺 門 口 十 幾 個 大 瓦 缸 ， 一 字 排 開 果 然 有 氣 勢 喎 。 蔡 生 話 試 過 幾 款 煨 湯 ， 覺 得 「 真 材 實 料 ， 不 比 廣 東 阿 二 做 得 差 」 ， 確 實 像 話 。 裝 有 材 料 和 礦 泉 水 的 瓦 煲 仔 ， 放 進 約 一 米 直 徑 的 圓 瓦 缸 內 ， 用 木 炭 煨 足 七 個 鐘 ， 半 夜 四 點 就 要 開 始 預 備 ， 到 晚 市 陣 ， 湯 已 經 被 炭 火 煨 得 夠 香 夠 火 路 ， 而 呢 種 煨 燉 法 仲 申 請 埋 國 家 專 利 ， 用 行 動 證 明 真 係 有 料 到 。
店 子 來 自 江 西 省 南 昌 ， 亦 供 應 江 西 特 色 菜 。 蔡 生 特 別 鍾 情 竹 編 烤 鯽 魚 同 糯 米 排 骨 ， 我 們 強 烈 要 求 師 傅 預 備 ， 正 在 食 到 停 唔 到 嘴 之 際 ， 師 傅 推 介 陸 續 上 桌 ， 濃 淡 菜 式 皆 有 ， 再 飲 多 幾 啖 湯 ， 飽 到 呀 ， 平 均 一 百 蚊 左 右 ， 就 可 以 好 滿 足 咁 捧 住 個 肚 走 。

竹 編 烤 鯽 魚 ¥ 28 用 竹 編 夾 ， 加 一 齊 油 炸 ， 炸 得 乾 身 勁 香 口 ， 好 味 到 有 幾 多 幼 骨 都 唔 理 。	荷 香 珍 珠 排 骨 ¥ 38 排 骨 蒸 得 軟 腍 離 骨 ， 粒 粒 糯 米 都 滲 滿 肉 香 。
收 到 order ， 師 傅 就 用 鐵 鉗 將 原 煲 煨 湯 挾 出 來 。	鑲 餅 牛 腩 ¥ 46 酥 餅 鬆 脆 ， 牛 腩 味 濃 ， 肉 腍 中 帶 點 筋 ， 加 強 口 感 ， 屬 新 菜 推 介 。
椰 肉 煨 排 骨 湯 ¥ 48 椰 肉 由 新 鮮 椰 子 起 出 來 ， 簡 單 加 排 骨 煨 燉 ， 清 甜 又 夠 火 候 ， 激 讚 。

民 間 瓦 缸 煨 湯 館
地 址 ︰ 春 風 路 向 貴 樓 （ 萬 佳 百 貨 對 面 ）
電 話 ︰ +86- (0) 755-8239-6222
營 業 時 間 ︰ 9:30am-1:30am

韜 韜 推 介
地 道 杭 州 菜
韜 韜 話 深 圳 都 有 好 食 杭 州 菜 ， 就 係 西 湖 春 天 的 姊 妹 店 江 南 廚 子 ， 比 舊 店 多 新 意 有 驚 喜 ， 引 得 我 直 踩 試 真 。 坦 白 講 ， 面 對 生 醃 的 鹹 熗 蟹 ， 本 來 怕 吃 生 會 出 事 ； 結 果 ， 蟹 的 鮮 味 加 上 刺 身 口 感 ， 令 我 忍 唔 住 吃 了 半 隻 。 再 試 埋 東 坡 肉 ， 香 甜 鬆 腍 入 口 即 化 ， 嗯 ， 食 神 果 然 冇 介 紹 錯 。

東 坡 肉 ¥ 8

江 南 廚 子
地 址 ︰ 寶 安 南 路 1881 號 萬 象 城 4 樓
電 話 ︰ +86- (0) 755-8269-0036

至 型 至 靚
廚 房 製 造 係 深 圳 難 得 一 見 的 新 派 餐 廳 ， 點 心 、 西 餐 、 壽 司 、 粥 麵 小 炒 乜 都 有 ， 環 境 真 係 夠 型 夠 格 ， 出 現 香 港 或 上 海 ， 你 唔 會 驚 訝 ， 但 係 深 圳 ， 佢 都 算 超 班 ， 連 播 放 的 音 樂 都 是 英 法 chill out 音 樂 ， 板 斧 戲 ， 做 到 幾 足 。


廚 房 製 造
地 址 ︰ 人 民 南 路 2028 號 金 光 華 廣 場 7 樓 （ 國 貿 地 鐵 站 ）
電 話 ︰ +86- (0) 755-8261-1866

李 純 恩 推 介 　 半 價 上 海 菜
李 純 恩 一 向 係 香 港 有 名 的 上 海 菜 館 留 園 熟 客 仔 ， 家 陣 留 園 搬 上 深 圳 ， 佢 照 樣 捧 場 ， 話 「 度 冷 盤 熱 葷 所 有 同 以 前 一 樣 咁 好 食 ， 環 境 仲 靚 。 」 入 到 店 內 ， 超 高 樓 底 加 大 大 盞 水 晶 燈 加 絲 絨 梳 化 卡 位 ， 感 覺 開 揚 舒 服 仲 幾 好 hea ， 似 足 香 港 新 派 靚 裝 中 菜 館 ， 但 小 菜 標 價 竟 然 只 賣 香 港 店 的 半 價 ， 甚 至 低 至 三 分 一 ， 仲 要 半 數 廚 師 來 自 舊 店 ， 計 一 計 ， 專 程 北 上 幫 襯 都 抵 。
李 純 恩 叫 我 記 住 試 紅 燒 划 水 ， 即 是 紅 燒 鯇 魚 尾 ， 一 條 魚 尾 只 做 一 碟 菜 ， 難 怪 我 向 老 闆 娘 提 問 時 ， 她 不 想 太 高 調 介 紹 這 道 菜 ， 怕 大 家 知 道 後 爭 住 試 ： 「 你 知 啦 ， 我 不 可 能 將 幾 十 條 新 鮮 鯇 魚 只 切 魚 尾 做 菜 。 」 紅 燒 划 水 是 濃 油 赤 醬 典 型 上 海 菜 滋 味 ， 李 純 恩 最 愛 吃 ， 但 吃 不 慣 的 可 能 會 嫌 味 太 濃 重 ， 老 闆 娘 推 介 另 一 巧 手 工 的 龍 鬆 桂 魚 絲 ， 食 落 果 真 清 淡 鮮 甜 ， 仲 有 火 丁 雞 頭 尾 甜 豆 、 點 心 蟹 殼 黃 、 鹽 水 鴨 等 等 ， 一 樣 超 筍 兼 好 食 。

	火 丁 雞 頭 尾 甜 豆 ¥ 68 蘇 州 湖 裡 生 長 的 雞 頭 尾 ， 煙 煙 韌 韌 ， 加 上 嫩 甜 豆 及 火 腿 同 炒 ， 清 新 清 爽 ， 晒 春 天 食 。
龍 鬆 桂 魚 絲 ¥ 168 清 甜 桂 魚 肉 絲 ， 伴 上 酸 酸 鹹 鹹 大 頭 菜 ， 爽 口 鮮 美 ， 必 試 。	紅 燒 划 水 ¥ 38 用 豉 油 、 、 麻 油 等 家 常 調 味 料 炮 製 ， 最 重 要 係 拿 捏 火 候 ， 炆 到 魚 尾 起 膠 又 不 會 過 韌 ， 好 考 功 夫 。

留 園 飯 店
地 址 ︰ 深 南 東 路 5001 號 華 潤 大 廈 3 樓
電 話 ︰ +86- (0) 755-8269-1333
營 業 時 間 ︰ 10am-11pm

皮 薄 餡 靚 餃 子
憑 李 純 恩 一 句 ︰ 「 比 較 上 ， 我 唔 鍾 意 去 深 圳 ， 但 都 會 為 食 老 北 方 餃 子 而 去 。 」 就 知 道 老 北 方 餃 子 皇 有 幾 得 ！ 李 補 充 ︰ 「 餃 子 做 得 皮 靚 嫩 薄 ， 餡 多 選 擇 ， 香 菜 、 芥 菜 唔 係 度 度 有 ， 仲 有 熏 骨 架 都 好 好 食 。 」
一 份 餃 子 十 五 隻 ， 驟 見 每 客 總 有 蒸 有 煮 點 都 叫 一 份 ， 堪 稱 高 票 得 值 。 咬 落 皮 薄 菜 爽 肉 香 ， 我 自 己 食 十 五 隻 原 來 咁 輕 易 。 熏 骨 架 賣 相 粗 糙 ， 但 當 你 吃 過 第 一 啖 ， 就 會 忍 唔 住 落 手 住 骨 又 啃 又 啜 吮 埋 手 指 。 哈 爾 濱 師 傅 炮 製 的 東 北 菜 ， 又 係 香 港 食 唔 到 。

熏 骨 架 ¥ 28 肉 炆 得 酥 爛 入 味 ， 味 道 有 少 少 似 滷 水 汁 ， 但 複 雜 豐 富 得 多 ， 因 為 用 上 丁 香 、 茴 香 、 草 果 、 八 角 等 五 十 六 種 中 藥 材 炮 製 ， 招 牌 菜 ！

茴 香 水 餃 ¥ 10/15 隻 以 哈 爾 濱 空 運 的 茴 香 做 餡 ， 味 道 個 性 強 烈 ， 勁 清 香 。

老 北 方 餃 子 皇
地 址 ︰ 解 放 路 3034 號 湖 北 賓 館 2 樓
電 話 ︰ +86- (0) 755-2589-0880
營 業 時 間 ︰ 11am-11pm